Ұйымдастырылған оқу іс -әрекеттің технологиялық картасы
Күні: 18.02.2015 жыл. Тобы: «Ертөстік» мектепалды даярлық тобы
Білім беру саласы: «Шығармашылық»
Оқу іс әрекеті: Музыка
Тақырыбы: «Төлдер»
Мақсаты: Балаларға үш тілдегі әннің сөзін мнемосхема арқылы үйрету. Музыкадағы бейнелердің дауысын тану, ажырата білу, қимыл- қозғалысын бейнелей білу қабілеттерін дамыту. Төрт түлікке деген қызығушылық, сүйіспеншілік, қамқоршылыққа тәрбиелеу.
Қолданылатын көрнекі құралдар: проектор, Малшы ата, Жайлау көрінісі
Билингавльды компанент: қой-баран, сиыр –корова, түйе –верблюд, жылқы-лощадь,
жануарлар- животные- анималс
Сөздік жұмыс: төлдер, енесі
|
Кезең- дер |
Музыка жетекшісінің іс-әрекеті |
Балалардың іс-әрекеті |
|
Мотивациялық — қозғаушылық |
Балаларды залда әдемі әуенмен қарсы алу.
Әндетіп амандасу: Сәлем, сәлем, балалар! Hello, hello, childrens! Здраваствуйте, ребята!
— Балалар, төрт түлікке не жатады білесіңдер ме? — Жарайсыңдар, ендеше біз бүгін солардың төлдерімен танысамыз. -Төлдерді көргілерің келе ме? Онда бәріміз жайлауға барайық. «Тұлпар» әнінің сүйемелдеуімен балалар атқа отырып, «шабады». |
Балалар залға кіреді. Амандасады: Сәлем, сәлем, апай! Сәлем, сәлем, достарым! (қолдарын бұлғайды) Hello, hello, Tieche! Hello, hello,my frends! Здравствуйте! Балалар төрт түлікті атайды.
-Иә, көргіміз келеді.
Балалар «шабу» қимылын орындайды. |
|
Ұйымдастырушылық — ізденістік
|
(Слайд арқылы жайлаудың суретін көрсету.) -Ал, балалар, біз міне жайлауға да келдік. -Балалар, біз атқа мініп жайлауға келдік, ал бұрынғы заманда біздің ата-бабаларымыз түйелермен көшкен. Оны бір ауызбен «Керуен» деп атаған. Музыка тыңдау: «Көш керуен» Н.Тілендиев — Алыс жолға шыққанда, жүктерді тасу үшін көп түйе, жылқы малынан керуен құрып жүрген. (Слайд арқылы көш керуеннің жүргенін көрсету.) Музыканы талдау: екпінін, көңіл -күйін. (Слайдтан түліктердің жайылып жүрген суреті шығады). -Балалар, қараңдар, не көріп тұрсыңдар? Билингвальды компанент: қой-баран, сиыр –корова, түйе –верблюд, жылқы-лощадь -Балаларға слайд арқылы төлдерді таныстыру. — Осы төлдер туралы ән білесіңдер ме? Ән айту үшін алдымен дауыс жаттығуын жасайық. |
Слайдқа назарларын аударады. Балалар көргендерін айтады.
Балалар музыканы тыңдап, талдайды. Керуен туралы түсініктерін айтады.
Балалар түліктердің орысша айтылуларын қайталайды. Төлдермен танысады.
Дауыс жаттығуын жасайды. |
|
Ұйымдастырушылық — ізденістік
|
Дауыс жаттығуы: «До мажор» гаммасы А—а—а —о—о—о—и—и—и—у—у—у—а—а—а Ән айту: «Төлдер». Б. Ғизатов -Жарайсыңдар, ал енді біз «Жануарлар әні» деген үш тілдегі әнді үйренеміз. Ән үйрену: «Жануарлар әні» (үш тілде) Балаларға әнді орындап беру. Мнемосхема арқылы әннің сөзін үйрету. — Қошақан қандай малдың төлі? — Құлыншақ қай малдың төлі? — Ән қандай көңіл күйде жазылған? — Тағы қандай малдың төлін білесіңдер? -Ән орындау кезінде әннің сөзін анық айтуға дағдыланыңдар. Әнді көңілді, әуенін дұрыс айтуға машықтанғандарың дұрыс. Билингвальды компанет: жануарлар- животные- анималс Тосын сәт: Залға малшы ата кіреді. Балалармен амандасады. -Амансыз ба, Ата! Бірдеңе іздеп жүрсіз бе? Ата: Мен бағып жүрген түліктерімді жоғалтып алдым. Сендер көрмедіңдер ме? Көзім де аса көрмейді, құлағым да аса естімейді. Маған түліктерімді табуға көмектесесіңдер ме? -Балалар, біз атаға төлдерін табуға көмектесеміз бе? Музыкалық — дидактикалық ойын: «Төлдерді шақыру». -Жарайсыңдар, балалар, міне Атаның түліктері де келіп қалды. Сендер оларды жақсылап шақырдыңдар. Енді келе жатқан болар. (Экраннан түліктердің келе жатқан суреттері шығады) Ата: -Жарайсыңдар, балалар, менің түліктерімді тауып бердіңдер. Ал енді мен оларды қораға қамайын, сау болыңдар! (Ата шығып кетеді) |
Балалар әнді естеріне түсіріп, орындайды.
Балалар әнді тыңдап, айтады, үйренеді.
Сұрақтарға жауап беруге тырысады.
Балалар атамен амандасады.
-Көмектесеміз.
Балалар төлдерді шақыруды орындайды.
Балалар Атамен қоштасады.
|
|
Рефлекстік- түзетушілік |
Ән айту: «Жануарлар әні» (үш тілде) —Бүгін қандай төлдерді атадық? -Қандай төлдер туралы ән айттық? Ерекшеленген балаларды атау, мақтау. Қоштасу әнін орындау. |
Балалар әнді қайталайды.
Сұрақтарға жауап беріп, қоштасады. |
Күтілетін нәтиже:
Біледі: Музыкадағы бейнелердің дауысын тануды, ажыратуды, қимыл- қозғалысын бейнелей білуді
Игереді: Әннің сөзін таза, әуенін нақышына келтіре орындауды
Меңгереді: Әрбір жануарға тән қасиеттер мен қимылдарды, дауыстарын, жануарлардың атауын үш тілде айта біледі.
