Сабақтың тақырыбы: Асхана»
Мақсаты:
Білімділік:Нанға деген сүйіспеншілігін арттыру.Балаларды аспазшы кейпіне еніп, ұннан жасалған өнімнен тәтті бәлішті,дайындауға үйрету.Балаларға мерекені естеріне түсіре отырып,топ ішіндегі балалардың туған күндерінде бір-біріне жылы сөздер және мерекелік көңіл күй сыйлауға талпындыру.
Тәрбиелік мәні: Балалардыңбойында достық сезімін құрметтеуге тәрбиелеу.
Дамытушылық: Балалардың ақыл- ойын,тілдік қорын,нанға деген сүйіспеншілігін дамыту.
Сабақтың барысы:
Балалар әуенмен топқа кіріп жарты шеңбер болып тұрады.
Тәрбиеші: Балалар бүгін бізге көптеген қонақтар келіпті қонақтармен амандасайық. Балалар:
Күннің көзі ашылсын
Көкке шуақ шашылсын
Құтты қонақ келіпті
Төрімізге еніпті
Амандасу үлкенге
Тәрбиенің басы ғой
Ал қәнекей бәріміз
«Сәлем» дейік үлкенге.
Тәрбиеші: Айналамызға қарайықшы топтың іші әдемі безендірілген.Сіздерде әдемі болып күндегіден ерекше киініп алғансыңдар !
Үстеріңе қандай киім кидіңіздер
Балалар: Аспазшы киімі.
Тәрбиеші: Бүгінгі біздің іс әрекетіміз ерекше болғалы тұр.Қанекей сабағымызды бастамас бұрын біз көтеріңкі көңіл күймен бір-бірімізге шаттық шеңбер арқылы жылы лебізімізді білдірейік.
Балалар: Шаттық шеңбері»
Біз балдырған тең басқан
Дос құшағын кең ашқан
Тілегіміз тыныштық
Ашық болсын кең аспан
Мықты болсын іргеміз бәрімізде біргеміз!
Тәрбиеші:Жарайсыңдар балалар,олай болсабүгінгі іс әрекетімізді бастайық.Мен сіздерге сұрақтар қоямын сіздер мұқият тыңдап тез-тез жауап беріңіздер
-Қазір жылдың қай мезгілі
-Балалар осы жаз мезгілінің біздің балалардың туған күндері бар екен.
Ендеше біз осы туған күн иелеріне арнап,бәліш пісіреміз.
-Балалар білесіңдер ме,бәліш неден жасалады
Балалар:-Ұннан.
Тәрбиеші бәлішті қалай пісіретінін айтып көрсетеді.Аспазшы апай ұнға май,жұмыртқа,шекер,сүт қосатындарын айтады.Балалар бәріміз бірге бәліш пісіріп мәз болды.
Сергіту сәті:Аспаздар биі»
Тәрбиеші:Балалар бәліш пісіп қалыпты.Бәлішті безендіреміз.Балалар біз енді осы дайын болған бәлішті,дастарханға қойып,қонаққа балалрды шақырып, туған күн иелерін құттықтаймыз.
-Балалар туған күн бисіз, әнсіз болмайды қанекей барлығымыз билейік.
(Әртүрлі әуенде билейді.Балаларға тілек айтып,бәліштен ауыз тиеді.)
Тәрбиеші:-Балалар біз дайындаған бәліштен қонақтарға ұсынайық.
(Балалар тәтті бәліштен қонақтарға ұсынады,барлығы бірге ас болсын» айтады)
-Балалар бүгінгі оқу іс-әрекетіміз сіздерге ұнады ма
-Олай болса бүгінгі ашық сабағымыз аяқталды.Сау болыңыздар!
